View RSS Feed

S@n@M

Ranjish hii sahii dil hii dukhaane ke liye aa

Rate this Entry
Ranjish hii sahii dil hii dukhaane ke liye aa
Aa phir se mujhe chhoR ke jaane ke liye aa

Pahle se maraasim na sahii phir bhii kabhii tau
Rasm-o-rahe duniyaa hii niibhaane ke liye aa

Kis kis ko bataayeNge judaaii kaa sabab ham
Tuu mujh se Khafaa hai to zamaane ke liye aa

Kuchh to mere pindaar-e-muhabbat ka bharam rakh
Tuu bhii to kabhii mujh ko manaane ke liye aa

Ek umr se huuN lazzat-e-giriyaa se bhii mahruum
Ai raahat-e-jaaN mujh ko rulaane ke liye aa

Ab tak dil-e-Khush-fehm ko tujh se haiN ummiideN
Ye aaKhrii shammeN bhii bujhaane ke liye Aa

Submit "Ranjish hii sahii dil hii dukhaane ke liye aa" to Digg Submit "Ranjish hii sahii dil hii dukhaane ke liye aa" to del.icio.us Submit "Ranjish hii sahii dil hii dukhaane ke liye aa" to StumbleUpon Submit "Ranjish hii sahii dil hii dukhaane ke liye aa" to Google

Tags: None Add / Edit Tags
Categories
My collections

Comments