Kab kisi ne mohabbat mein socha hai ye
Mein ne khoya tu kia aur paya tu kia
Umer bhar tu wo mujh ko bhulaate rahe
Ab mein Fazli unhein yaad aaya tu kia
Khawab lafzon mein dhal nahi sakte
Kaash ankhein para kare koi
Log taskheer bhi hosakte hein
Lafz dil se adaa kare koi
Bikharne mein jo lizat hai simmat ker dhoondte hein
Humein dekho ke sehraa mein samander dhoondte hein
Mujh ko afsos nahi apne lahoo hone ka
Tere gulshan ki bahaarein tu nikhar aayi hein
Mot jab zindgi se behtar thi
Hum ne wo waqt bhi guzaara hai
Use der hai ke lakerein na kahein bol parein
Is liay khol ke wo haath dikhaata bhi nahi
Jis sooraj ki aas lagi hai shayad wo bhi aaye
Tum ye kaho khud tum ne ab tak kitne diye jalaaye
Apna kaam hai sirf mohabbat, baki us k kaam
Jab chahe wo roothe hum se jab chahe man jaaye
Dil ka nagar ujaarne wala hunar shanaas
Ta'meer hoslon ki imaarat bhi ker gaya
Urne do parindon ko abhi shokh hawwa mein
Phir lot ke bachpan ke zamaane nahi aate
Is qadar duniya ke dukh aay khoobsurat zindgi
Jis tarah titli koi makri ke jaalon mein hai
Jaga hua zameer wo aaina hai Qutail
Sone se pehle roz jise dekhta hoon mein
Yoon tu tark-e-tallaq se bhi simmat te hain ye rishte
Tum ab bhi usi tarah qareeb-e-rag-e-jaan ho
Aayi na thi kabhi mere lafzon mein roshni
Per mujh se ye kamaal tujhe dekh ker hua
Apne khilaaf shehar ke andhe hujoom mein
Dil ko buhut malal tujhe dekh ker hua
Bulandiun ki haqeeqat se aashna ho kar
Bare khuloos se pusti khareed li mein ne
Guftugoo karne ka kuch us mein hunar aisa tha
Wo meri baat ka mafhoom badal deta tha
Mohabbat rang hai aisa ke roke se nahi rukta
Kabhi phoolon mein bikhre ga, kabhi taaron mein chamke ga
Jab teri simmat chala tha tu ye maloom na tha
Zindgi rah ki diwaar bane gi kese
Bhool wo kab ke chuke the mujh se pemaan-e-wafa
Wo tu mein khud dila ker yaad sharminda hua
Hamdardiun ki bheek si dene lage hain log
Yun apne dil ka haal na sab se kaha karo
Tum ik charaagh ki khairaat de rahe ho mujhe
Mein aftaab se daaman chura ke laya hoon
Kia ye pathar dilon ka shehar hai
Yahan sirf begaangi ki lehar hai
Ek doosre ko kuch nahi de sakte
In ke andar bahir sirf zehar hi zehar hai
Ye na dekho ke mere zakham buhut kaari hein
Ye batao ke mera dushman-e-jaan kesa hai
Ye phool apni lataafat ki daad pa na saka
Khila zaroor magar khul ker muskura na saka
Mein sach kahoon gi magar phir bhi haar jaaoon gi
Wo jhoot bole ga aur lajwaab kar de ga
Dil se teri nigah jigar tak utar gayi
Hairan hoon dil ko rouoon ya peeton jigar ko mein
Husn-e-dil aara ki khaatir paayi ruswaayi buhut
Hum ne apne ishq ki sachayi dikhlayi buhut
Kia mile ga tujh ko zanjeer-e-rifaaqat tor ker
Mein bhi tanha tu bhi tanha aur tamashaayi buhut
Kabhi kabhi tu wo itna khayal rakhta hai
Zara zara si tammana sambhaal rakhta hai
Yahi tu baat hai us mein ke ranjishon mein bhi
Sukhon ka sukh tu dukhon ka malaal rakhta hai
Reply With Quote
..but nice one ...thank you for sharing ^_^
Bookmarks