tum jo pal ko Thahar jaao to ye lamhe bhii
tum jo pal ko Thahar jaao to ye lamhe bhii
aane vaale lamhon kii amaanat ban jaayain
tum jo Thahar jaao to ye raat, mahataab
ye sabzaa, ye gulaab aur ham dono ke Khvaab
sab ke sab aise mubaham hon ki haqiiqat ho jaayain
tum Thahar jaao ki unavaan kii tafasiir ho tum
tum se talKhii-e-auqaat kaa mausam badale
raat to kyaa badalegi, halat to kyaa badalegi
tum jo Thahar jaao to merii zaat kaa mausam badale
mahaarbaaN ho k na Thahro to phir yuN Thaharo
jaise pal bhar ko koi Khvaab-e-tamanna Thahare
jaise daravesh-e-madaa-nosh ke pyaalay main kabhi
ek do pal ke liye talKhii-e-duniyaa Thahare
Thahar jaao ke madaarat maikhaane se
chalate chalate koi ekaadh subuu ho jaaye
is se pahale ke koii lamhaa e indaa ka teer
is tarah aaye ke pevast-e-guluu ho jaaye ....
tum jo pal ko Thahar jaao to ye lamhe bhi
aane vaale lamhon kii amaanat ban jaayaN
.
Bookmarks