Hazaron Dukh Parain Sehna Mohabbat Mar Nahi Sakti.
Hay Tum Say Bas Yehi Kehna Mohabbat Mar Nahi Sakti...
Tera Har Baar Khat Ko Pharna Aur Ro Dena.
Mera Har Baar Likh Dena Mohabbat Mar Nahi Sakti...
...Kiya Tha Hum Nay Campus Ki Nadi Par Aik Haseen Wada.
Bhalay Hum Ko Paray Marna Mohabbat Mar Nahi Sakti...
Jahan Mein Jub Talak Phanchi Chahktay Urtay Pehrtay Hain.
Hai Jub Tak Phool Ka Khilna Mohabbat Mar Nahi Sakti...
Puranay Ehad Ko Jub Zinda Karnay Ka Khayal Aaye.
Mujhay Bus Itna Likh Dena Mohabbat Mar Nahi Sakti...
Woh Tera Hijr Ki Shab Phone Rakhnay Say Zara Phelay.
Bohat Rotay Huway Kehna Mohabbat Mar Nahi Sakti...
Puraney Raabton Ko Phir Naye Waday Ki Khuwahish Hai.
Zara Ik Baar To Kehna Mohabbat Mar Nahi Sakti...
Gaye Lamhat Fursat Kay Kahan Say Dhond Kay Laon.
Woh Peh'ron Hath Pay Likhna Mohabbat Mar Nahi Sakti...
Bookmarks