[Dear Guest/Member you can't see link before replyclick here to register]


Ajeeb shaks tha har ek se pyar mangta tha
jahan na dard ho esa diyar mangta tha
jo maangta tha, woh dena meri bisat na thi
woh meri rooh ka mujhse qarar mangta tha
usay garz thi na gulon se na bulbulon se
wo fasl-e-ranj mai fasl-e-bahar mangta tha
usay talab thi koi toot kar usay chahay
wo hath jor ke ulfat ka izhaar mangta tha
mere khuloos pe shayad tha shak usay
wafa ki raah main woh aitbaar mangta tha