Kya khazanay meri jaan,hijer ki shab yaad aye
Tera chehra,teri ankhain,tere lab yaad aye

Aik tu tha jise ghurbat mein pukara dil ne
Werna bichray hoye ehbaab tou sab yaad aye

Hum ne maazi ki sakhawat pe ju pal bher socha
Dukh bhi kya kya humain yaaron k sabab yaad aye

Phool khilne ka mousam mere dil mein utra
Tere bakhshay hoye kuch zakham ajub yaad aye

Ab tou ankhon mein faqat dhool hay kuch yaadon ki
Hum usay yaad bhi aye tou kab yaad aye

Bhool jane mein woh zalim hay bala ka mahir
Yaad ane pe aye tou ghazab yaad aye

Yeh hunak rut yeh naye saal ka pehla lamha
Dil ki khwahish hay k MOHSIN koi ab yaad aye