[Dear Guest/Member you can't see link before replyclick here to register]


usuulon pe jahaaN aaNch aaye Thakaraanaa zaruurii hai
jo zindaa hon to phir zindaa nazar aanaa zaruurii hai

nai umroon kii Khud_muKhtaariyon ko kaun samajhaaye
kahaaN se bach ke chalanaa hai kahaa.N jaanaa zaruurii hai

thake haare parinde jab basere ke liye lauTe
saliiqaamand shaaKho.n kaa lachak jaanaa zaruurii hai

bahut bebaak aaNkhon mein taalluq Tik nahin sakta
muhabbat me.n kashish rakhane ko sharmaanaa zaruurii hai

saliiqaa hii nahii.n shaayad use mahasuus karane kaa
jo kahataa hai Khudaa hai to nazar aanaa zaruurii hai